Шпанските медиуми објавија шокантни аудио – снимки во кои актуелниот претседател на Реал Мадрид, Флорентино Перез брутално ги навредува фудбалерите, но и тренерите на овој клуб.
Откако процурија навредите на сметка на Икер Касиљас и Раул Гонзалез, кои ги нарекува преваранти, сега шпанските медиуми објавија нови снимки, во кои на удар се Португалците, Кристијано Роналдо и Жозе Мурињо.
„Кристијано е луд. Овој човек е идиот, болесник. Мислите дека овој дечко е нормален? Не може да биде нормален кога прави такви работи. Кристијано и Мурињо се со големо его. Двајцата се размазени и одбиваат да ја прифатат реалноста. Да се малку поразлични ќе заработеа повеќе пари. Мурињо не е нормален“, вели Перез во снимките.
Florentino, en bruto (III): "Cristiano es un imbécil y Mourinho, un anormal" https://t.co/1lDyUpHIPA
— El Confidencial (@elconfidencial) July 14, 2021