Вечерва по завршувањето на натпреварите од групата „Ф“ ги добивме сите осминафинални парови на ЕВРО 2020.

Дефинитивно најголемето внимание ќе го привлечат, култното дерби Англија – Германија на „Вембли“ и Португалија – Белгија кои ќе се судрат во Севиља, како и мечот Хрватска – Шпанија кој ќе се одигра на „Паркен“ во Копенхаген.

За добро информираните љубители на фудбалот, одличен ќе биде и мечот Холандија – Чешка, а овие селекции имаа неколку епски дуели во минатата деценија. Италија би требало да има лесна задача против Австрија, исто на „Вембли“, додека Велс и Данска ќе се судрат во Амстердам, а Шведска и Украина во Глазгов.

Мечевите се играат на 26., 27., 28., 29. јуни.

ОСМИНАФИНАЛЕ, ЕВРО 2020:

Велс – Данска

Италија – Австрија

Холандија – Чешка

Белгија – Португалија

Хрватска – Шпанија

Франција – Швајцарија

Англија – Германија

Шведска – Украина