Пеп: Почнуваме да пишуваме историја, не размислувам за четири трофеи

Фудбалерите на Манчестер сити се пласираа во полуфиналето на Лигата на шампионите откако во двомечот беа подобри од Борусија Дортмунд.

Менаџерот на „граѓаните“, Пеп Гвардиола по натпреварот беше многу среќен и кажа дека сака да почне да гради историја со клубот од Манчестер, но и дека не разлислува на освојување на сите четири трофеи сезонава.

„Премногу сум среќен поради клубот, претседателот, навивачите, сите. Ова е втор пат да играме полуфинале, во овој дел не влеговме во историјата, но почнуваме да ја пишуваме. Да бидеме една од четирите најдобри екипи во Европа и да играме против нив е нешто неверојатно. Се наоѓаме во полуфиналето од ФА Купот, полуфиналето на ЛШ и во финалето од Карабао купот. Потребни ни се и уште три победи во Премиер лигата. Неверојатно што постигнавме. Не размислуваме за освојувањето на сите четири трофеи, идеме од натпревар во натпревар“, изјави Пеп.

Leave a Reply

This site uses Akismet to reduce spam. Learn how your comment data is processed.